Tanggapan ng Comelec dinagsa sa unang araw ng voter’s registration

Dinagsa ang tanggapan ng Commission on Elections (Comelec) sa unang araw ng voter’s registration para sa Halalan 2020 kahapon, Enero 20.

Gayunman, sinuspindi muna ng Comelec ang voter’s registration sa Batangas dahil sa pagputok ng bulkang Taal.

Ayon kay Comelec spokesperson Director James Jimenez, ipagpapatuloy lamang anila ang registration sa Batangas oras na maging maayos ang sitwasyon dito.

Aniya, ang naturang hakbang ay alinsunod rin sa rekomendasyon ng Phivolcs.

Samantala, hindi muna nag labas ang Comelec ng voters ID upang bigyang daan ang national ID system na ngayong taon rin ipapatupad.