Dinayaw ni Gob. Matthew Marcos Manotoc ti panangipatulod ti Ilocos Norte Electric Cooperative iti tallo a team idiay suidad ti Naga a tumulong para iti pannakaisubli ti serbisyo ti elektrisidad iti nadakamat a lugar.
Segun ken ni Mr. Noel Andres, Information Officer ti nasao a kooperatiba, ti nasao a grupo ket bukbuklen ti sangapulo ket lima a ‘’linemen’’ ken ‘’engineer’’.
Imbatadna a naammoanna nga adda ti maysa a barangay a konsentrasionda.
Mainaig iti daytoy, kunana a impakaammo dagiti nasao a grupo nga adda ti tallo a poste a naipatakderda kadagupan dagiti sangapulo ket pito a poste a naipaima kadagitoy nga ipatakderda.
Inlawlawagna nga iti daytoy nga aldaw ket adda ti pakaammoda a marigatanda nga agtrabaho gapu ta adda manen ti sabali a bagyo a mangsapsaplit iti nadakamat a lugar.
Nupay kasta, kuna ni Andres nga inbunannag dagiti maseknan nga agtultuloy ti panang ‘’dressing’’ da kadagiti poste.
Impatalgedna nga adda dagiti nakadakamat a kaprobinsiaan ti nasayaat a kasasaad iti nasao a suiadad.
Ibilang ti Gobernador ti inaramid ti INEC a paset iti panangipamatmat iti kinabanwar dagiti Ilocano a sindadaan a tumulong iti panawen ti didigra.
(OIC Rodrigo Sadian, RPN DZRL Batac)
(Source: Provincial Government of Ilocos Norte)