31.2 C
Manila
Friday, March 29, 2024

Tabang Ni Zanorte Former Governor Lando Yebes Sa Northern Luzon, Mibyahe Na

- Advertisement -

Pormal nga gi turn over sa usa ka sibyaanan, ngadto sa Zamboanga del Norte Coast Guard sa pantalan sa Dapitan ubos sa pagpangulo ni CDR. PAUL RYAN C GONZALES O-0480 PCG ang Acting Station Commander Coast Guard Zamboanga Del Norte pinaagi kang Sec. Harry Roque, ang sinakong mga bugas nga isip ayuda ni kanhi Gov. Rolando E. Yebes ngadto sa atong mga kaigsuonan nga nabiktima sa Bagyong Ulysses sa Northern Luzon ug Catanduanes.

Angay kahinumduman nga usa sa unang mitubag sa panawagan nga Operation Tabang para sa mga Biktima sa Bagyo mao ang kanhi Gobernador.

Matod pa ni Gob Lando nga nagplano na usab siya nga mopahatod sa iyang ayuda gumikan sa iyang kaguol sa gidangatan sa atong mga kaigsuonan nga nawad-an ug kabalayan ug kapanginabuhian.

Dugang pa ni Yebes nga nagkinahanglan gayod ug hinabang atong mga kaigsuonan sa nasangpit nga dapit mao nga angay mag hiusa ang tanan sa paglugway sa maong tabang.

“Akong awhagon ang mga taga Zanorte nga atong tabangan ang atong mga kaigsuonan sa Luzon kay dili gayod lalim ang nahitabo kanila.”, pamahayag ni Gob Lando.

Tungod niini, nanghinaot usab ang kanhi Gobernador  ug naga-awhag kang Gov. Roberto Uy nga mopadangat usab ug tabang ngadto sa mga nabiktima sa Bagyong Ulysses.

“Gawas sa ayuda nga atong ipadangat ngadto sa mga biktima, maghi-usa usab kita sa pag ampo ngadto sa atong Ginoo nga unta makabangon dayon ang atong mga kaigsuonan gikan sa ilang nasinati nga kalisod karong panahuna,” panapos ni Yebes.

Sa susamang bahin, isunod pagpadala ang mga used clothing ngadto sa Luzon karon semanaha. (Raymond A. Acopiado) 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -