Tahas Sa Mga Private, Gov’t Hospitals Gibatbat Sa Vaccination Operation Center

Mapasalamaton si Acting City Health Officer Dr. Lorraine J. Nery sa suporta sa private ug government hospitals sa Cagayan de Oro atol sa gipahigayon nga orientation on COVID-19 vaccination program sa kagamhanang local, uban sa Department of Health Region 10, niadtong Pebrero 5 ning tuig.

Ang mosunod mao ang mga importanteng nahisgutan sa maong panagtigom:

1. Pag-present sa module on COVID-19 vaccination, ingon man ang interim guidelines sa DOH
2. Submission sa mga hospital sa ilang master list sa mga empleyado nga eligible sa vaccination program alang sa data validation for COVID-19 electronic information registry (CEIR)
3. Pag-andam sa mga hospital nga mahimong vaccination sites alang sa ilang mga empleyado isip nag-unang prayoridad sa immunization
4. Maghatag og feedback report ang mga hospital sa posibleng kakulian sa manpower, storage capacity ug uban pang logistics sa actual immunization
5. Pagmugna sa hospital og kaugalingong mini-vaccination operation center, ug mag- assign og personnel nga mag-supervise niini
6. Pag-aghat sa mga hospital nga mosalmot ug mag-obserba sa ipahigayon nga immunization simulation exercises diha sa JR Borja General Hospital karong Pebrero 16 ning tuig
7. Pag-assign sa mga hospital isip referral center nga moatiman sa mga tawong nakasinati sa adverse events following immunization (AEFI)
8. Ang DOH-10 mag-provide og emergency medications ug supplies sa mga hospital diin ang CHO ang motabang sa pag-distribute niini.

Ang maong orientation gipangulohan ni Dr. Ina Grace Chiu sa Immunization Task Group ug Dr. William Bernardo sa Data Management ug Cold Chain Management and Logistics Task Group on COVID-19 vaccination. (City Information Office)