Davao de Oro: Gisugdan na paghatag og libreng Nutritious Foods ang kapin 25,000 School Children sa Davao de Oro nga nakabenepisyo sa nagpadayong School Based Feeding Program sa DepEd nga karon giimplementar sa Davao de Oro ni Provincial Nutrition Council Chair Gov. Jayvee Tyron Uy ug SP Members sa pagpanguna nila ni Vice Gov. Maricar Zamora ug Senior BM Arturo “Chiongkee” Uy ilalom sa “Bayanihan Para sa Kalusugan Kusina ng Kalinga (BPSK-KnK) Program-New Normal Edition”.
Kapin upat ka tuig na karon matud ni Gov. Tyron Uy ang “Bayanihan Para sa Kalusugan Kusina ng Kalinga (BPSK-KnK) Program” sa Probensiya nga mao ang 120 days nga padayong pagpanghatag sa probinsya og libreng nutritious foods kada adlaw panahon sa klase ngadto sa mga kabataang na-identify nga mga undernourished sa Department of Education (DepEd).
Tungod matud pa niya nga karong tuiga ang DepEd nagpatuman sa distance learning mode of education, gibag-o na sad sa probinsya ang sistema sa feeding program nga diin ang distribution diha na ginahimo sa mga kabaranggayan ug kapurokan gikan sa kanhi school based feeding nga mao ang pagpanghatag sa libreng paniudto diha sa mga eskwelahan panahon sa klase.
“Karong tuiga nga distance learning ang mode of education, pinasahi ang atong sistema. Bisan sa kalisod nga dala sa pandemya nagapangita kita og pamaagi nga matabangan ang atong mga kabatan-onan gikan sa gutom. Ug para niini nga tinguha, opisyal na natong nasugdan ang Kusina ng Kalinga Program para sa School Year 2021. This is the Kusina ng Kalinga Program – New Normal Edition. In the past years, school-based feeding ang atong gibuhat para sa Kusina ng Kalinga. Pero karon, as an adjustment for the new normal, atua nang dal-on ang feeding program sa mismong mga kabarangayan ug kapurokan aron mas mapaduol nato kini sa mga kabataan ug sa ilang mga panimalay.Matud ni Gov. Tyron Uy….. Gilbert M Cabahug PAO-ID DDO, Jonnie Cadiz, OIC Michael Manguhig RPN Dxkt Davao