SUSPETSADONG GUN-FOR-HIRE, ARESTADO

Mga alas-6 ang takna sa buntag kaniadtong Hunyo 19, 2018, adunay nadawat nga taho ang Provincial Intelligence Branch personnel nga adunay mahitabong liquidation plan batok sa usa ka opisyal sa barangay sa dakbayan sa Dapitan nga usa ka Jonel Tome, 42 anyos, minyu ug lumolupyo sa Brgy. Talisay, dakbayan sa Dapitan, nga gipanid-ang gun-for-hire. Gilayong giadto sa mga personahi sa Provincial Intelligence Branch nga gipanguluhan ni Stephen B. Daang C, ZNPIB inubanan sa sa RMFB9 nga gipanguluhan usab ni PSI Ernesto A. Etorne, Jr., Force Commander, ug sa Dapitan CPS ug CI, ug sa ilang pag-abot sa Road 27, Barangay Dawo, Dapitan City, positibong giila sa maong CI si Junel Tome. Diha-diha dayong ang mga personahi sa RMFB9 mipahigayon ug stop and frisk sa maong subject ug nakompiska ang usa ka kalibre 45 nga pistola, ug usa ka hand grenade. Gipahibalo pa ang maong suspetsado sa iyang mga katungod dungan sa pagka-aresto niini ug karon kasamtangan nang gibalhog sa Dapitan CPS.