Nasikop ang usa ka suspetsado nga nagpayuhot sa ginadiling druga sa gipahigayong drug buy bust operation sa mga Intelligence Operatives sa Dipolog City Police Station gipangulohan ni PLt Kent B. Gudmalin, Chief Intelligence, ilalom usab sa superbisyon ni PLtCol. Khisna Asaali, Chief of Police mga alas 11:10 sa gabii, didto sa Barangay Biasong, Dipolog City.
Ang suspetsado nailhang si Darwin Kagatan Datoy, 35 anyos, ulitawo, high school graduate ug residente sa Purok Malipayon, Barangay Miputak, Dipolog City.
Nakompiska gikan sa posisyon ug kontrol ni Darwin ang lima ka medium size nga pakete sa gituohang shabu, usa ka medium size nga pakete sa shabu nga gipalit sa poseur buyer gikan ni Darwin as buy bust evidence, P500.00 peso bill served as buy bust money ug usa ka empty pack served as container sa shabu.
Gidala sa Provincial Crime Laboratory Office si Darwin para sa drug testing apil na ang nakompiskang drug items para sa chemical examination.
Sa pagkakaron ang dinakpang suspetsado temporaryong gitanggong sa selda sa Dipolog City Police Station samtang ginahulat ang tukmang kaso nga ipasaka sa korte batok kaniya.
(Rosevelt D. Mondinido, RPN DXKD Dipolog Volunteer)
