Davao Oriental – Gipasakaan na ug kaso’ng pagsupak sa Republic Act 8353 in relation to Republic Act 7610 ang nadakpan nga 38 anyos nga lalaki kinsa suspek sa paglugos sa 12 anyos nga babaye sa Barangay Mogbongcogon, Banaybanay, Davao Oriental niadtong adlaw’ng Domingo, Setyembre 19.
Ang Banaybanay Police Station miila sa dinakpan nga si Ramil Acompado Bajo alyas Bruno. Una nga nakaresponde sa lugar ang mga sakop sa Revitalized Pulis Sa Barangay (RPSB) human nga nakadawat sila ug sumbong labot sa hitabo nga gilugos ang biktima ni alyas Bruno.
Subay sa report nga gisulod kuno sa suspek ang biktima samtang kini natulog sa kwarto apan nakamata ang biktima ug nakasiyagit nga nangayo ug pakitabang hinungdan nga daling girespondehan sa mga silingan ang biktima nga mitawag usab sa mga otoridad hinungdan nga nadakpan ang suspek.
(Source: PRO XI)