Claver, Surigao del Norte – Nadakpan sa mga persomahe sa RID13 ug Claver MPS an akusado sa kasong paglapas sa RA no. 7610 kon Special Protection of Children Against Abuse, Exploitation and Discrimination Act.
Ginganlan ug alyas Junjun an akusado 39 anyos, menyo, nag trabaho sa isa ka mining company sa lungsod nan Claver, residente sa Purok 3, Barangay Taganito, Claver, SDN.
An akusado maoy responsable sa krimen nga ija nahimo jadton Agosto 28, 2014 nga nahitabo tapad sa simbahan sa Barangay Taganito.
Sa imbestigasyon nagbutyag nga an duha ka 6-anyos nga mga bata gipakita sa ija pribadong bahin sa layaki ug midani sa mga batan-ong biktima sa paghupot niini bugti sa kantidad sa salapi.
Gitaho dajon sa unit station an kaso nga nahitabo human masayri sa mga ginikanan ang malisyosong pagsulay ni alyas Junjun nga miresulta sa pagpasaka og kaso batok sa ija atubangan sa korte nga may kalabotan sa mga kalapasan sa mga probisyon nga naglangkob sa Child protection law ug ibang matang sa maltreatment.
Ang buhatan sa Regional Trial Court, 10th Judicial Region, Branch 30, Surigao City pinetsahan ug Marso 26, 2015, nipatuman sa pag-isyu ug warrant of arrest tungod sa paglapas sa Section 5 sa RA no. 7610 nga naka-docket ubos sa Criminal Case No. 11034 nga jaoy girekomendar nga kantidad sa piyansa sa kantidad P80,000.00 nga giisyu sa Honorable Acting Presiding Judge.
Sa pagka kuman an akusado an jaon sa kuatodiya sa Claver MPS alang sa tukmang disposisyon. (Ronda 21 Mark James Lisondra)