28.4 C
Manila
Sunday, March 3, 2024

Surigao: Tour guide na licensed professional teacher dakpan sa PDEA human napalitan nan ecstasy sa Siargao

- Advertisement -

General Luna, Surigao del Norte – Dakpan sa mga kadagkuan sa PDEA Regional Office 13 ang isa ka Licensed Professional Teacher ug Tour Guide dihang kini napalitan nan tulo ka tabletas na ecstasy o party drug sa gilusad na buy bust operation kaganihang alas 2:30 sa kaadlawon, Pebrero 9, 2024 didto sa Brgy. 1 Poblacion, General Luna, Siargao Island, Surigao del Norte.

An suspetsado gipailang si Niño Sumalinog Ruiz, 40 anyos na residente sa nahisgotang barangay.

Sumala sa giluwatang impormasyon ngadto sa RPN DXKS Radyo Ronda Balita ni SDN PDEA Agent Wenifredo Alagabia Jr., ang buy bust operation hiniusang gilusad sa Philippine Drug Enforcement Agency Caraga Region XIII, PDEA Surigao del Norte, PNP Surigao del Norte Drug Enforcement Unit sanan General Luna Municipal Police Station.

Gawas sa tulo ka tabletas na ecstacy balor 6,000 pesos nga napalit sa PDEA poseur buyer, didto sa bayay sa suspetsado may mga nakuha pa nilang mga laing klase sa druga sama sa 14 ka vacuum-sealed pinutos ug transparent plastic sachets sa marijuana chocolate bars nga motimbang sa 70 grams balor 170,000 pesos; upat ka self-sealing transparent plastic sachets sa marijuana kush nga motimbang sa 8 grams o balor 40,000 pesos; isa ka lingin na white plastic container na may suyod na marijuana kush na motimbang sa 4 grams balor 20,000 pesos; isa ka lingin na blue plastic container na may 0.5 gram marijuana kush balor 2,500 pesos; upat ka self-sealing pouch na may sulod na 0.5 gram marijuana kush balor 2,500 pesos; isa ka genuine 1,000 peso bill ug 6 ka one thousand boodle money; isa ka cellular phone; isa ka lighter; isa ka COVID vaccination card ug kuwarta na nagkalain laing sensilyo balor 850 pesos.

An suspetsado dayhon kuman adlawa sa PDEA Regional Office ug gitakdang pasakahan sa kasong violation sa Section 5 ug Section 11 sa Article II sa RA 9165. (RPN DXKS Surigao News Team)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -