Gipahayag ni City Social Welfare Officer Lalaine Pantilo na jaoy tuyo na ka mga nahiposang may deperensiya sa pangisip didto sa City Motorpool an makatubag na nan sakto ug hinay hinay nang naulian sa saktong paminsar sa pangisip.
Niadtong Dominggo, Oktubre 9, 2022 gibisitahan pag-isab ni Dr. Manuel Luis Bauson, Psychiatrist an 37 ka mga may deperensiya sa pangisip ug tagdapatan na isab nan tambay.
Sa 16 ka babaji ug 21 ka layaki, an mga makatubag na ug sakto amo sila si Nida Daan, 25 anyos taga Punta Bilang-Bilang, Surigao City kansang inahan naninda nan gulay dapit sa tiyangge; Rosemarie Almeda, 27 anyos taga Purok 1, Banban, Taganaan ug an ikatuyo si Emmanuel Pagadora, 26 anyos taga Caramtam, Purok 2, Mangagoy, Bislig City.
Padajon pa gihapon sila na kasamtangang gipahimutang sa City Motorpool na giatiman sa City Government. Â (RPN DXKS Surigao, photo courtesy of LP CSWDO)
