Gipangunahan sa Team Bagtik sa pagpanguna ni Senior Board Member Constantino “Bully” Navarro kaiban sila ni SB Member Aiken Andanar ug kanhi BM Sim Castrence an pang apod-apod nan Cash Assistance sa Municipal Women’s Center sa lungsod nan Socorro kagahapong adlawa.
Mokabat sa 114 ka benepisyaryo an nakadawat nan tig P3, 700 pesos sa ilang suholan ilayom sa Tulong Pangkabuhayan sa Ating Disadvantage/Displaced Workers Program sa Department of Labor and Employment.
Sa mensahe ni Caroline Cubillan isa sa mga benepisyaryo nagkanayon nga dako an ija pagpasamalat kay Congressman Bingo Matugas sa kanunay nga paghatag nan tabang pinansyal sa mga katawhan hilabi na sa lungsod nan Socorro.
Personal isab mitambong sila ni Mayor Riza Rafonselle Timcang, Vice Mayor Gemma Ocon ug mga SB Members sa lungsod nan Socorro agig suporta sa programa.
Kuman na adlaw jaon sab ipahigayon nga Assistance to Individual In Crisis Situation kon AICS Payout sa San Isidro gym sa ala 1:00 an takna sa hapon nga diin jaoy 764 ka mga benepisyaryo an makadawat sa maong cash assistance. (Mark James Lisondra)