29.5 C
Manila
Sunday, April 21, 2024

Surigao: Suspetsado namaligya nan shabu dakpan sa buy-bust nan City PNP Drug Enforcement Unit

- Advertisement -

Nadakpan sa gulisad na drug buy-bust operation an isa ka laborer pinaagi sa mga personahe sa Drug Enforcement Unit sa Surigao City Police Station kagaina Pebrero 24, 2024 sa may Pantalan-1 Sarvida St. Brgy. Wahington, Surigao City sa alas 11:20 sa buntag.

Nakilay.an an suspek na si Carlito Escabal Gallanoza Jr., aka “Insek Escabal”, layaki, 40 anyos, ulitawo,  laborer, residente sa Pantalan-1, Sarvida St., Brgy. Washington, Surigao City.

Nakuha gikan sa posisyon sa suspek an isa ka gamay na plastic sachet pinalit sa posuer buyer ug unom kabuok medium plastic sachets sa suspected shabu na gibana-bana qn gibug.aton sa 3.15 grams sa kantidad P 21,420.00, isa ka genuine P1,000.00 bill gigamit isip marked money, isa ka sling black coin purse, Smartphone Infinix, ug P1, 400.00 sa nagkalaing-lain na denominasyon.

Mag atubang sa kasong paglapas sa RA no. 9165 kon Dangerous Drugs Act of 2002 an suspek ug jaon kuman sa kustodiya sa Surigao City Police Station.

(News and photo courtesy by Mark James Lisondra)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -