Kita sa CCTV footage ang suspek sa pagpangawat nan mga butang nga gipanag-ijahan ni Maria Luz Esmeralda Catunigan, 69 anyos na babaje, residente sa Purok Fortune, Espina Extension, Barangay Taft, Surigao City.
Basi sa imbestigasyon sa kapulisan ngadto na sa biktima nasayran mga alas 7:30 sa buntag sa kagahapong adlawa, sa ija pagmata nadiskubrehan nija nga abli na ang ilang maindoor ug naguba ang safety hasp/lock ug nasayran nga ang blue ITEL Vision 3 sa kantidad P4, 500.00, black Samsung sa kantidad P7, 000.00, blue Realme sa kantidad P7, 500.00, ug army green slingbag nga may pouch ug may nga cash money sa kantidad P5, 000.00, ID’s ug ATM Card nawagtang na.
Base sa Kopya sa CCTV Footage nga gilay-on gikan sa bayay sa biktima isa ka waya makilay.i nga tawo nga nagsukbot nan itom nga tshirt, green nga short, puti/itom nga puma tsinelas, ug jaoy army green nga slingbag nga naghuyog nga ID ug ATM Card sa anak nga babaje sa biktima.
Human sa makuti nga imbestigasyon ug pagrepaso sa CCTV Footage tagkilaya sa intelligence operative ang suspek nga si Julieto Lisondra Tumabang aka “Bugok”.
Nihimo ug hot pursuit operation batok sa suspek nga miresulta sa pagkasikop niini ug narekober gikan sa ija posisyon ang gikawat nga android phone color blue ITEL Vision 3 ug blue Realme.
Ang pagka sikop sa suspek nahitabo mga alas 11:00 nan duyom kagahapong adlawa Abril 2, 2024 sa Purok Matinabangon, Silay Hills, Barangay Taft, Surigao City.
Sa pagka kuman ang suspek an jaon sa kustodiya sa Surigao City Police Station. (Mark James Lisondra)