Aksidenting nibangga an isa ka motorsiklo nga Honda Beat na may plate no. 872ZIB sa naka park na Nissan Frontier na may plate no. XLM652.
Nahitabo an insidente kagaina sa alas 6:15 an takna sa buntag Nobyembre 1, 2024 sa Km. 5, Brgy. Luna, syudad nan Surigao.
Giila an nagmaneho sa motorsiklo nga si Mark Phil Molinar, 30 anyos na layaki, residente sa Placer, Surigao del Norte hampan a tag-ija sa Nisaan Frontier an giila nga si Gregorio Maglasang, 67 anyos na layaki, residente sa Mainit, Surigao del Norte.
Sa imbestigasyon ni PEMSgt. Jesus Belarmino nasayran nga an Nissan Frontier naka park sa shouldering samtang an motorsiklo gikan sa Placer pasingod sa Surigao City Proper.
Pag-abot sa dapit sa insidente, an drayber sa motorsiklo nakatuyog ug aksidenteng nibangga sa Nissan Frontier.
Tungod niini, an Nissan Frontier na sakyanan nakaangkon ug kadaot sa wayà nga bumper samtang an motorsiklo nakaangkon og kadaot sa atubangan nga ligid ug step board niini.
An driver sa motorsiklo nakaangkon ug samad sa lain-laing bahin sa ija lawas ug gidaya sa mirespondeng mga personahe sa QART sa Caraga Regional Hospital aron matambalan. An motorsiklo temporaryong gibalhog sa Surigao City Police Station alang sa tukmang disposasyon. (Mark James Lisondra)