Isip Presidente sanan Provincial Chairman nan PDP-Laban sa Surigao del Norte, nakiisa ako, iban an mayorya nan mga lideres sa partido, sa pagsuporta kan Presidential candidate Senator Bongbong Marcos iban ni Vice Presidential candidate Mayor Inday Sara Duterte (BBM-Sara UniTeam) para sa lig-on na liderato na suportado nan kahamkan na Surigaonon.
Sa pagpili nan lig-on na liderato nan nasud na sa tan-aw namo mas makaresponde sa mga hagit sanan panginahanglan nan panahon, iban kami sa 64% na mga Surigaonon na nagsuporta kan Senator Marcos, sanan sa 81% na nagsuporta kan Mayor Inday Sara.
Nisunod kami sa nauna nang endorsement nan PDP Laban National Executive Committee, na nagpahayag na an plataporma nan Team BBM-Sara an makapadajon nan 11-point agenda nan kasamtamang administrasyon.
Kabii, human an dako na BBM-Sara Rally sa Taguig City, tagdawat ni BBM an Manifesto of Support gikan sa ako. Iban nako sa meeting si Mayor Abeth Matugas (Dapa), Mayor Gina Menil (San Benito), Mayor Balong Dominos (San Isidro) sanan Vice Mayor Nitoy Matugas (Surigao City).
Iban ko na nipirma sa maong Manifesto of Support si Vice Governor Geed Gokiangkee, Atty. Lolong Larong, Mayor Estong Matugas, Vice Mayor Nitoy Matugas, Mayor Georgia Gokiangkee, Mayor Crisanta Mondano, Mayor Wallace Sinaca, Mayor Elizabeth Matugas, Mayor Lamberto Dominos Jr., Mayor Gina Menil, Mayoralty Candidate Michael Jose Patino, Mayoralty Candidate Myrna Romarate, Mayoralty Candidate James Mahusay, Mayoralty Candidate Riza Timcang, Mayoralty Candidate Alvin Egay, Mayoralty Candidate Marieto Clerigo, sanan Mayoralty Candidate Sally Bulac.
An singgit nan mga Surigaonon, Bangon Surigao! An singgit nato tanan Pinoy, Bangon Bayan Muli!