Nadakpan an pito ka mananagat human nagpahigayon nan seaborn patrol an General Luna Municipal Police Station kagahapong adlawa.
Si Police Colonel Laudemer M. Laude, Provincial Director, nibutyag sa mga nasikop nga mga suspek: pito ka lokal nga mananagat, hingkud an pangidaron, puros residente sa Purok 3, Barangay Sta. Cruz, General Luna, Probinsya sa Surigao del Norte.
Base sa opisyal nga report mga alas 3:50 sa kadlawon, nasikop sa baybayon sa General Luna duol sa Guyam Island tungod sa ilegal nga pagpangisda suyod sa teritoryo sa kadagatan sa maong lungsod.
Gipaubos sila sa kustodiya sa kapulisan human nasakpang nakalapas sa Fisheries Code of the Philippines in relation to R.A. 8550.
An maong mga dinakpan nga mangingisda mag-atubang sa kalapasan nga ilang nahimo atubangan sa hukmanan ug atubangon an multa nga gi-isyu ngadto kanila alang sa local municipal ordinance.
Sa laing bahin, malampusong nasakmit sa responding unit an mga fishing paraphernalia sama sa isa ka fishing boat nga may 16 Horsepower Engine, isa ka compressor tank, isa ka rolled plastic hose, upat kabuok spear gun, isa ka unit nga Honda engine, ug 80 ka kilo sa nagkadaiyang isda nga jaoy gibanabana nga kantidad P16,000.00 pesos.
An mga dinakpan, lakip an mga nakumpiska nga mga ebedemsiya an kuman sa kustodiya sa General Luna Municipal Police slStation alang sa tukmang disposisyon ug bayran an ilang silot sa municipal treasurer’s office. (Mark James Lisondra)