Kapin sa P13 milyones nga balor sa shabu ang nasakmit sa mag live-in partner nga pulos tindera ug tindero sa Cebu City Night Market.
Sa buwag kini nga operasyon sa Philippine Drug Enforcement Agency -7 ug sa Police Region Office 7.
Unang gilusad didto sa North Reclamation Area, Barangay Subangdaku, siyudad sa Mandaue, diin nasikop si Fatima Mabatid Veraces, 28 anyos, taga Barangay Mambaling , dakbayan sa Sugbo, pasado alas 2:00 kagahapon sa hapon, Mayo 19, 2024.
Nakuha kang Veraces ang mga binultong shabu nga adunay standard drug value nga P1O.2 milyon.
Sunod nga nadakpan si William Abanes Lopez, 32 anyos, didto sa Sitio Soong 2, Barangay Mactan, dakbayan sa Lapu-Lapu, pasado alas 4:00 sa hapon, sa mao rang adlaw.
Mga binultong shabu usab ang nakuha kang Lopez nga adunay standard drug value nga P3.4 milyon.
Ang duha ka mga suspetsado taod-taod na nga gipanid-an sa ilang ilegal nga negosyo.
Pulos na usab giandam karon ang tukmang kaso batok sa mga akusado. (Renante Socia Lada)