Ipatuman na usab ang pagpahigayon ug curfew ngadto sa nagkadaiyang barangay sakop sa Surigao City atol sa gihisgutan kagahapong adlawa
Sumala pa ni Edwin Villanueva ang Crisis Center Head nga gitambungan usab ni PNP Lt. Col. Diomedes Cuadra Jr. Sa gipahigayung pakigpulong sa 54 ka mga kabarangayan sakop ning syudad samtang 32 lamang niini ang nakasalmot sa maong panagpulong.
Gihisgutan niini kagahapon ang pagpa emplementar sa Ordinansa no. 310 nga nagmando sa pagpahigayon ug curfew ngadto sa mga minor de edad.
Ang mga makalapas niini pagahamtangan ug tukmang silot nga adunay’ng pagpangalagad sa kumonidad hangtud sa pagkabilanggo sa dili mo ubos sa 10 ka adlaw ug adunay multa nga duha ka libo ka pesos.
Tumong sa maong forum ang pagpasabot sa mga importanting impormasyon aron sa pagpacontrol sa mga minor de edad nga permi misupak o nakalapas sa Curfew hours.
Dugang pa ni PLt. Col. Diomedes B. Cuadra Jr. kay hapit na man an kapistahan ning syudad, hamok naka line up nga mga aktibidadis, maong hangyo niya ang pakig-organize ug ang kooperasyon sa mga brgy tanod aron ma maintain ang kahapsay ning dakbayan.
(Alrose E. Pis-o, Ronda 39 RPN DXKS)
