Mapasalamaton na nagpakadawat nan karadjawan an mukabat sa 136 ka Surigaonon na benepisyaryo gikan sa nagkalain-laing Barangay ning dakbayan. Sumaya pa, na mitrabaho ini sila sa mga Barangay na ila tagsakupan samtang nagpakadawat nan dili mo ubos sa kantidad na 320.00 ka pesos na suholan.
An amo na programa sa gobyerno ubos na sa gitawag na “Tulong Paghahanap Buhay sa ating Dis-Advantage Workers kon TUPAD” na programa nan ahensya nan Department of Labor and Employment o DOLE na tagpanguyohan ni Ms. May Velonta an DOLE Provincial Head iban na isab sa dakung suporta sa gobyerno sa dakbayan ubos sa administrayon ni City Mayor Estong Matugas pinaagi na sa opisina nan Human Resource Development Management sanan PESO ubos sa pagdumaya ni Ms. Hairee Cel Pedimonte an Personnel Officer.
Sa amo na kalamboan, mitambong sanan mipakita isab sa ila makanunayon na suporta an mga opisyales nan dakbayan pinaagi na nila Konsehal Joshua Geli, Konsehal Mario Gesta, ug Konsehal Cacel R. Azarcon nga mihatag usab ug makadasig nga mensahe para na sa mga benepisyaryo.
Samtang, daku isab na pasalamat an gipa-abot sa mga nagpakadawat nan karadjawan gikan na sa gobyerno sa kanunay na pagtabang, ug way pili nga pagsuporta sa mga trabahante dinhi na sa dakbayan.
(Source: SurigaoCity Pio Facebook page)
