Nadakpan an 60 anyos na layaki sa gihimong follow up operation sa mga tinugyanan sa kapulisan human kini responsable sa pagpangawat nan mga sapatos sa isa ka bayay sa Purok 3, Don Julio, Brgy. Canlanipa nga gipanag-ijahan sa biktimang si Jef Michael Lagmay Dahuyla.
Giila an suspek nga si Allan Tinambacan Canibel, 62 anyos na layaki, residente sa Purok 1, Sitio Bioborjan, Barangay Rizal, Surigao City.
Nakuha sa posisyon sa suspek na mga butang an isa black Nike rubber shoes sa kantidad Php 3,000.00, gray Nike rubber shoes sa kantidad Php1,500.00, rubber shoes sa kantidad Php900.00, ug tsinelas sa kantidad Php200.00.
Sa imbestigasyon nasayran nga nakita sa CCTV footage an suspek ug nakilay-an rason nga mihimo an kapulisan nan hot pursuit operation nga miresulta sa pagkasikop sa suspek.
Sa pagka kuman an suspek an jaon sa kustodiya sa Surigao City Police Station. (Mark James Lisondra)