Isip pagsaulog sa World Rabies Day,ang pangkagamhanan ning syudad sa Dipolog mupahigayon ug “ALAGA KO, KAPAMILYA KO IV” program karong Septiyembre 28,2024 didto sa D’FOOD HUB and EVENTS CENTER, Dipolog Boulevard.
Ang maong kalihokan pagabuhaton pinaagi sa City Veterinary ug City Health Office,diin ang adunay ipahigayon nga usa ka Opening Program, Pet Blessing, Pet Walk, Pet Party, paghatag ug Espesyal nga Gantimpala sa mga binuhi nga adunay lahi nga mga kinaiya, ug Free Antirabies Vaccination.
Sa maong aktibidad,duna usab ipahigayong rehistrasyon alang sa miapil nga mga binuhi sama sa mga iring ug iro sa may alas 5:00 hangtod alas 7:00 sa buntag nianang adlawa.
Sa samang higayon ang mga rehistradong binuhi ,mamahimong makadawat sa pipila sa mga Espesyal nga Gantimpala ug giveaways alang sa mga early registrants.
Gawas sa mga nahisgutang kalihokan, ang mga pribadong veterinary clinics sa dakbayan sa Dipolog mohatag ug libreng konsultasyon gikan sa alas 8:00 hangtod na sa alas 10:00 sa buntag usa ka first come first served basis.
Usa kini ka pag awhag alang sa tanan sa pagdala sa ilang mga binuhi niining talagsaon ug usa-sa-usa ka matang nga selebrasyon. (Medalyn U. Borja)
(Source: Office of the City Veterinarian)