Nagmalamposong gipahigayon an medical mission na tagpasiugdahan sa buhatan nan Maradjaw na Panlawas sa dakbayan sa Surigao iban sa Medical Team na tagpangunahan ni Dr. Joyce Silvio an Doktor sa Baranggay kaabag isab an mga opisyales nan Barangay Ipil lakip na an mga Brgy. Health Workers diin ini magpahigayon nan libreng serbisyong medikal ngadto na sa mga residente sa Barangay Ipil ilabina sa kabatan-onan sanan may edad. Samtang nagpakadawat isab ini sila nan libreng tambay human sa konsultasyon.
Sa ija na kabahin, daku na pasalamat gikan na sa mga opisyales nan nasampit Barangay pinaguyohan na ni Punong Barangay Jose Giovanni Penados ngadto na sa gobyerno sa syudad ubos sa administrasyon ni City Mayor Estong Matugas sa pagkonsedirar sa sektor sa maayong panlawas na gilibot an tanan kabarangayan para makapakonsulta nan libre sanan maka-angkon nan tambay sa lain laing balatian.
(Source: Surigao City PIO Facebook page)