Gikan sa sulod sa detention facility, gipadungog sa mga Persons Deprived of Liberty (PDLs) sa Liloy District Jail ang ilang mensahe sa paglaum ug kalinaw human makuha ang unang pwesto sa national creative performance competition sa National Peace Consciousness Month 2026.
Nakadaog ang BJMP Region IX, nga girepresentahan sa Liloy District Jail, sa “Indak at Awit: Ritmo ng Pag-asa, Tinig ng Kapayapaan” competition alang sa mga PDL.
Ang ilang performance nakasentro sa orihinal nga awit nga “Sa Likod ng Rehas, May Pag-asa,” nga naghulagway sa paglaum ug posibilidad sa positibong pagbag-o bisan pa sa kahimtang sa mga performer.
Kabahin ang kompetisyon sa Preventing and Countering Violent Extremism (PCVE) Program sa Bureau of Jail Management and Penology (BJMP), nga naggamit sa musika ug sayaw isip kabahin sa mga kalihukan alang sa rehabilitasyon, peace-building ug pagpalig-on sa panaghiusa.
Ubos sa pagdumala ni JCSUPT Amado A. Concepcion Jr., CESE, ang BJMP Region IX girepresentahan sa Liloy District Jail ubos sa stewardship ni JCINSP Joseph Rey M. Lendio, Jail Warden.
Gipakita sa PDL performers nga ang talento mahimong gamiton aron makahatag og positibong mensahe ug paglaum, samtang gipasiugda ang tumong sa programa nga suportahan ang rehabilitasyon ug positibong transformation sa mga PDL.(IKEN B. GULLEM)
Source: BJMP REGION IX WESTERN MINDANAO