Nagpahigayon ang Department of Agrarian Reform (DAR) Zamboanga del Norte og Conflict Management Training for Strengthening Dispute Resolution aron mapalig-on ang malinawon nga pagsulbad sa panaglalis ug relasyon sa komunidad.
Gipangunahan ni Provincial Agrarian Reform Program Officer (PARPO) II Daisy Dell Suan Digamon pinaagi sa lokal nga opisina sa DAR ang maong kalihukan nga gihimo sa MASSARBECO, Barangay Aseniero, Dapitan City.
Gitutokan sa training ang praktikal nga mga pamaagi sa conflict management, dispute resolution, ug epektibong komunikasyon sulod sa komunidad.
Pinaagi sa mga interactive nga sesyon, gitudloan ang mga partisipante sa kamahinungdanon sa respeto, bukas nga panghunahuna ug dayalogo sa pagsulbad sa mga panaglalis.
Gipangunahan usab ang training nila Municipal Agrarian Reform Program Officer (MARPO) Florian B. Tolentino ug ARPO I Marie Antoniette M. Lumantas, nga nagpasiugda sa paghatag sa mga komunidad sa hustong kahibalo ug mga pamaagi aron masulbad ang mga panagbangi sa malinawon ug kooperatibong paagi.(IKEN B. GULLEM)
Source: DAR Zamboanga del Norte Province
Sent from Outlook for Android