Dili masukod ang kalipay sa mga katawhan nan Brgy. Mabini kay niabot na gajud sa ila kuman na adlaw ang mga libreng serbisyo nan ato Lokal na Panggamhanan pinaagi sa programa ni Mayor Pablo Yves L. Dumlao II na People’s Day.
Personal nibisita si City Councilor Noel “Tote” Catre Jr. ug City Councilor Hon. Joniel Aldonza.
Mapasalamaton ang mga katawhan sa Brgy. Mabini tungod kay ila nasinati ang libreng serbisyo nan gobyerno. Nagkalain-laing departamento nan siyudad ang naghatag nan libreng serbisyo diin daghan ang naka avail.
Taas ang pila sa City Health diin libreng konsulta ug daghan ang libre nga mga tambal ang gipang hatag.
Daghan sab ang nalipay kay jaun sad didto ang City Health Bus diin daghan ang ni pila sa libreng ibot sa ngipon.
Ubay-ubay usab ang nagpila sa PhilHealth diin libre ang pagpahimo nan I. D. Dako karajaw ang tabang sa libre na ID Picture na serbisyo sa City Public Information Office.
Sa mensahe sa isa sa mga konsehal nan Brgy. Mabini, dako ila pasalamat sa programa ni Mayor Dumlao tungod kay ang gobyerno na mismo ang nihasod ng mga serbisyo sa ila barangay.
An People’s Day isa ra sa mga daghan pa na pulido ug dekalidad na programa ni Mayor Dumlao para sa 54 ka barangay.
(Source: Surigao City PIO Facebook page)