Subay sa Republic Act 10742 nga giamendar sa Republic Act 11768, nga nagmando sa pagtukod ug Local Youth Development Councils (LYDC) sa matag probinsiya, siyudad, ug lungsod, ang Surigao City nipahigayon ug kaugalingong piniliay aron maporma kining mahinungdanong lawas.
Ang nag-unang tumong sa LYDC mao ang paghatag og suporta sa pagporma ug pagpatuman sa mga proyekto ug inisyatiba para sa Sangguniang Kabataan (SK).
Nangulo sa Local Youth Development Council mao ang SK Federation President, kauban ang representante gikan sa youth and youth-serving organizations sa municipal level. Nanguna niining importanteng paningkamot mao ang Local Youth Development Office, nga gipangunahan ni Atty. Kristel Grace Calderon-Buniel, sa pakigtambayayong sa SK Federation.
Ang election proceedings gitambongan ni SK Federated President Jenelyn Edulzura, kinsa nipaabot sa iyang suporta sa mga bag-ong napili nga miyembro sa Local Youth Development Council ug nihatag og gibug-aton sa iyang suporta sa mga local youth development programs.
Ang mga bag-ong napili nga miyembro sa Local Youth Development Council, uban sa ilang tagsa-tagsa ka sektor, mao ang mosunod:
Edukasyon: Paulinian Student Covering Council, Caraga Regional Science High School Supreme Secondary Learner Government, Cabrera Altres National High School Supreme Secondary Learner Government
Panglawas: Family Planning Organization of the Philippines (FPOP), Kabatan-Onan Kontra Malnutrition Droga ug Violence Against Women and their Children (KKMD VAWC)
Economic Empowerment: Batang Central Surigao Active Citizenship, Junior Jaycees Chamber (JJC )
Peace Building and Security: Surigao Youth Convergence (SYG)
Social Inclusion and Equity: Pag -asa Youth Association of the Philippines(PYAP)Surigao City Chapter ug Tingog
Governance: Batang Surigaonon Youth (3 districts)
Environment: Mapawa Chapel, AKP Mapawa, Serbisyong may kalidas para sa kabatan-onan Global Mobility
Agrikultura: 4th Club of Lipata
Relihiyon: Surigao Evangelical Youth Fellowship (SEYF), Surigao Adventist Youth Org., Parish Youth Ministry
Ang piniliay nahitabo kuman na adlaw Marso 14, 2023, sa City Cultural Center, nga nagtimaan sa isa ka mahinungdanong lakang ngadto sa pagpalambo sa partisipasyon ug kalamboan sa kabatan-onan sa Surigao City. (Mark James Lisondra)
(Source: Surigao City PIO Facebook Page)