Nasikop sa entrapment operation an isa ka 46 anyos nga layaki pinaagi sa mga personahe sa intelligence operatives sa Surigao City Police Station human nakalapas sa RA no. 10581 kon Illegal Possession of Firearms and Ammunition Act.
Gibutyag ni Police Lt. Col. Diomedes B. Cuadra Jr. nga an suspek nakilay-an nga si Lolito Dayot Esteve, nagtrabaho isip katabang sa piggery, residente sa Purok Palhi, Brgy. Ipil, Surigao City.
Nakompiskar sa posisyon sa suspek an isa ka green nga sling bag, isa ka itom nga chromed .38 caliber pistol nga wayay serial number, unom ka bala sa .38 caliber pistol, isa ka cellular phone, isa ka marked money nga 1,000 peso bill, tuyo ka 1,000 pesos gigamit isip boodle money.
An suspek detinado kuman sa Surigao City Police Station. (Mark James Lisondra, Ronda 21)