Nagmalampuson an Special Training for Employment Program kon STEPS sa Technical Education and Skills Development Authority kon TESDA nga gipahigayon kagahapong adlawa sa Siargao Island Institute of Technology sa alas 2:00 nan hapon.
Gipangunahan ni kanhi Board Member Sim Castrence nga maoy mihulip ni Congressman Bingo Matugas human waya maka apil alang sa pagpangandam nan launching sa AKAP kon Ayuda sa Kapos Ang Kita Program sa Department of Social Welfare and Development nga ipahigayon sa lungsod nan Socorro kuman na adlaw.
Kapin 130 ka scholars an nakadawat ug livelihood toolkit sa Driving NCII ug allowance nga 160 ka pesos kada adlaw gikan sa TESDA.
Sumaya pa ni Provincial Director Catalina Catubao nagkanayon nga jaoy 8 milyones ka pesos nga pundo gikan ni Congressman Bingo Matugas gikan sa Congressional Fund alang sa Special Training for Employment Program. Laing 3 milyones ka pesos isab an gipundohan sa Congressman para sa Training for Work Scholarship Program.
Sa mensahe ni kanhi Board Member Sim Castrence atubangan sa mga scholar nagkanayon nga an isla sa Siargao an pinaka dako nga pundo nga gigahin sa Congressman para sa gustong mo kuha ug short courses ug certificate gikan TESDA. (Mark James Lisondra)