Mikabat sa kapin 1, 000 ka mga indibidwal sa Barangay Mapawa ug Quezon an nakatagamtam nan libre na serbisyo pinaagi sa programa na People’s Day Year 3 sa administrasyon ni Mayor Paul Dumlao.
Dako an pasalamat nila Kapitan Joselito Bag-ao ug Kapitan Anthony Cavite gumikan kay an tanan serbisyo nga gitanyag sa City Government ug sa mga National Line Agencies an jaon kuman sa Barangay Mapawa aron pag hatag ug libre nan serbisyo.
Sa ija mensahe, nagpaabot sab si Mayor Paul Dumlao sa ija dako na pasalamat sa tanan nitambong sa permiro sanan ikaduha na tuig nan People’s Day. Dugang pa nija, na dungagan nija nan upat (4) ka makina na gamit sa pagtahi para sa Sustainable Livelihood Program nan Brgy. Mapawa.
Mitambong sa programa sila Provincial Governor Robert Lyndon S. Barbers, City Vice Mayor Alfonso S. Casurra, sanan an mga Councilor sa siyudad si Councilor Baltazar Abian, Councilor Noel Christian Catre Jr., Councilor Karl Duane Casurra, Councilor Joshua Emilio Geli ug si Sangguniang Kabataan Federated President Jenelyn Edulzura.