Nakabsan sa kinabuhi an Grade 12 student human kini nadiskobrehan mga alas 11:20 sa buntag kuman na adlaw ang nadugtâ niyang lawas nga naghikog sa punuan sa lubi sa bukid na bahin sa Purok 7, Brgy. Mapawa, Surigao City.
Nakilay-an an biktima nga si Rimart Aclo Dagaas, 18 anyos na layaki, grade 12 student, residente sa nahisgutang lugar.
Sa inisyal nga imbestigasyon ni PSMSgt. Lyndon Gerarcas ngadto sa pamilya sa biktima, nasayran nga Oktubre 2, 2023 pa na-missing an biktima.
Dugang pa sa imbestigasyon nga nibija sa ila bayay an maong biktima human giingong gikasab-an sa ija inahan ug napalgang nadugtâ na an lawas sa punoan sa lubi nga nagkahuyog sa hikot nga nagbitay sa maong tanom.
Sa pagkakuman nagrequest pa ug post mortem examination an Investigator On Case kung unoy hinungdan sa kamatayon sa biktima. (Mark James Lisondra, Ronda 21)