San Francisco, Surigao del Norte – Arestado sa mga personahe sa San Francisco MPS ang isa ka fish vendor human may gi.atubang nga kasong paglapas sa Article 327 of the Revised Penal Code kon Malicious Mischief.
Giila ni Police Colonel Laudemer M. Laude ang suspek nga si Ryan Danuco Vallente, 39 anyos na layaki, menyo, fish vendor, residente sa Purok Katipunan, Barangay Poblacion, San Francisco, Surigao del Norte.
Sa report sa San Francisco MPS, ang suspek, ubos sa ilimnong makahubog ug giguba ang gate sa bayay sa biktima.
Waya pa makontento ang suspek arogante pa mag storya ngadto na sa mga tinugyanan sa kapulisan atol sa ilang pag responde rason nga ila na kining gi.aresto.
Ang suspek ang jaon kuman sa kustodiya sa San Francisco MPS. (Ronda 21 Mark James Lisondra)