Nagpahigayon nan Second Project Steering Committee Meeting tali na sa Prov`l. Government sa Surigao del Norte, Australian Government ug sa CFSI Community and Family Services International diin didto tagpahigayon sa PGO Conference Room, Capitol Ground, Surigao City.
Dako an pag pasalamat ni Gov. Barbers ngadto sa Australian Government ug sa Community and Family Services International (CFSI ) tungod sa ilang dakong gugma na motabang sa mga Surigaonon alang sa mga programa sa lalawigan, labina jadton mga pamilyang kabos na maoy priorty niining proyekto na ilang gihisgutan atol sa meeting.
Tungod sa resettlement sites isa ini ka problema sa Local Government Units kon unhon pag resulbar an mga problema sa komunidad labina jadton jaon nag huya sa coastal areas diin dilikado kon sa panahon sa disasters.
Sa dihang nahinabi sa PIO sa Probinsiya sa Surigao del Norte si Mr. Steve Muncy ang Executive Director sa CFSI kon unoy priority sa CFSI sa relocation to resiliency ug uno isab an intervention sa CFSI sa Australlan Gov`t. sa relocation sa mga nabiktima sa bagyong Odette.
Laong ni Mr. Steve Muncy na andam sila motabang kon uno may tabang na pangajuon sa kagamhanan sa lalawigan sa Surigao del Norte. Laong nija na an importante na kitang mga katawhan magtinabangay.
Nasayran na atol sa maong meeting dunay duha ka mga tribo an gi-imbitar sa katuyo-an na mahibayo sila na isa sila sa mga binipisyaryo ning nahisgutang proyekto.
Kini an Tribo sa BAJAW ug Tribo sa Mamanwa kinsa sila maoy isa sa mga nabiktema sa bagyong Odette.
Tungod niini Sumaya pa ni Gov. Lyndon Barbers, tungod sa ija pagka positibo na pagkatawo, tag dungog na sa Ginoo an ija mga pangaliya na maka hatag sija na sakto na sirbisyo labina kon livelihood program an pagahisgutan.
Laong nija Salamat Lord sa grasya na imo tag hatag sa mga Surigaonon. Sanan salamat isab sa Community and Family Services International na maoy imo tag himo na instrumento na ang Surigao del Norte maoy ilang napili na mahatagan ning Livelihood Project para sa mga Bajaw ug sa Mamanwa.
Samtang si Mr. Roland Amad Bastiong na maoy nag reprisentar sa ija Inahan na maoy Pres. Sa Tribong Badjaw nagpasalamat isab sa CFSI ug sa Prov`l. Government, na sila maoy napili isip binipisyaryo sa nahisgutang proyekto.
(Mark James Lisondra)
