Human sa pipila ka mga meeting ug konsultasyon nga gihimo sa UMRC ngadto sa mga informal settlers nga midawat sa imbitasyon alang sa paghisgut sa sulod sa propiedad sa Crossing area, gipahibalo sa UMRC ang publiko ug sa mga wala makatambong sa kadtong meeting nga ang final o katapusang resolusyon nahimo na.
Mao kini ang gikasabutan.
1. Gi- reject na sa mga informal settlers ang tanyag sa UMRC nga libre nga lote sa Mabini, busa dili na tukoron sa UMRC ang tulay na ilang gipangayo sa una.
2. Ang mga informal settlers ug UMRC nagkauyon sa duha nga kapilian.
Kapilian 1 – Ang mga informal settlers makadawat ug ₱ 20,000 (matag istraktura) kung pirmahan nila ang Affidavit of Undertaking ug boluntaryong gubaon ang ilang mga istruktura sa wala pa ang Oktubre 30, 2021. Kung pirmahan nila ang Affidavit of Undertaking pagkahuman na sa Oktubre 30, 2021 hangtod Nobyembre 30, 2021, makadawat nalang sila ug ₱ 15,000.
Kapilian 2 – Dawaton ang tanyag ni Kapitan Rico Nagas nga hatagan sila ug lote sa Barangay Silop, duol sa Sitio Toril (duol sa highway). Mas marajaw nga makigkoordinar kang Kapitan Rico Nagas sa Barangay Luna. Kinahanglan gihapon sila mopirma sa Affidavit of Undertaking sa UMRC.
Ang mga maapektuhan sa dalan gikan sa Sabang walay labot ani nga tanyag.
“Mao na kini ang katapusan nga tanyag sa UMRC. Natagamtaman na sa mga informal settlers kini nga propiedad nga libre sa taas na kaayo na panahon. Wala silay gibayad bisan unsa nga buwis. Wala silay titulo, ug walay silay mga Building Permits. Karon nga ang dayalogo sa taliwala sa UMRC ug sa illegal nga mga okupante sa propiedad nila natapos na ug usa ka kasabutan na ang gihimo, ang kadtong mga tawo nga magpapili nga dili mo pirma sa Affidavit of Undertaking ug mupadayun gihapon sa ilang illegal nga pagpuyo sa propiedad nga legal nga gipanag-iya ng UMRC, ang UMRC mosang-at na karon ug kaso batok kanila ug mahimong kinahanglan gubaon ang mga istruktura, magbayad ug multa ug possible nga mabilanggo,” ang gipagawas nga statement sa UMRC.
Pipila ka mga informal settlers na ang naka-avail ug nabayaran na ug ₱ 20,000.
“Kadtong adunay mga pangutana, palihug e text kini na mga numero (GLOBE) 0966.852.6286 o (SMART) 0949.153.8270 o magpadala ng mensahe sa Facebook page sa UMRC Surigao.
Hinumdumi nga ang deadline alang kanimo para pirmahan ang Affidavit of Undertaking aron makakuha ka ug ₱ 20,000 nga bayad kay taman ra sa Oktubre 30, 2021. Pagkahuman niana mubawas na ang bayad ngadto sa ₱ 15,000. Ang deadline para pag pirma sa Affidavit of Undertaking karun Nobyembre 30, 2021.”