Nadakpan an isa ka Construction Worker ug Tricyle driver sa gilusad nga Drug Buy Bust Operation kagahapong adlawa sa Purok Matinabangon, Silay Hills, Brgy. Taft, SC sa alas 3:00 nan hapon.
Nakilay.an an mga suspek nga sila ni Rodel Entong Jugadora, alyas Mil, 31 anyos nga layaki, Construction Worker ug si James Gary Rago, 34 anyos nga layaki, tricycle driver, parehong residente sa nahisgutang lugar.
Basi sa imbestigasyon nasayran nga an mga suspek nasakpan sa akto nga namaligya nan ilegal nga droga ngadto na sa posuer-buyer nga miresulta sa pagkadakop ug narekober gikan sa ilang posisyon an kapin kon kuyang 2 grams sa suspected shabu sa kantidad P13, 600.00 ka pesos, marked money nga P1, 000 peso bill ug cash sa kantidad P300.00 pesos.
Pasakaan ug kasong kalapasan sa Sec. 5 ug Sec. 11 sa RA no. 9165 an mga suspek ug jaon kuman sa kustodiya sa Surigao City Police Station. (Mark James Lisondra)