Dali girespondihan sa mga personahe sa Surigao City Fire Station ug sa mga personhe sa Surigao City Police Station an miulbo nga sunog human may isa ka concern citizen an mitaho mga alas 10:00 nan buntag nga nahitabo sa Sitio Cayutan, Brgy. Cagniog, Surigao Cit ly kagahapong adlawa.
Basi sa imbestigasyon ni SFO1 Ricky Portillano nasayran nga an suspek nga construction worker nga si Gerry Flores Pegarit, 42 anyos, menyo, residente sa Purok 8, Sitio Cayutan, Brgy. Cagniog, SC an nag haling nan mga debris sa private property nga gipanag-ijahan sa Guerra Holding Inc. nga miresulta sa grassfire.
Gi.aresto an suspek apil an isa ka menor de edad pinaagi sa isa ka security guard ug gi.turn over sa mga miresponding police officer nga sila ni PMSgt. Jonathan Rubillos ug PMSgt. Jaykem Dogmoc.
Gideklarar nga fireout mga alas 12:06 sajo sa hapon pinaagi ni SFO1 Ricky Portillano an ground commander sa Surigao City Fire Station. (Mark James Lisondra)