Nabawian sa kinabuhi an isa ka aktibong membro sa PNP nga nadestino sa 2nd SDN Provincial Mobile Force Company nga si PLTCOL Reuel Caracol Belza, 50 anyos, layaki, menyo, residente sa Rosewood Subdivision, Barangay Villa Kanangga, Butuan City Agusan del Norte.
Sa imbestigasyon ni PCpl John Paul D. Pulgo nasayran mga alas 5:00 sa hapon kuman na adlaw an mga personahe sa 2nd SDN PMFC pinangulohan ni PLTCOL Reuel Caracol Belza niadto sa Barangay Cabugo, Claver, Surigao del Norte para magpahigayon ug inspeksyon alang sa Revitalized Police Sa Barangay nga gipakatap sa nasangpit nga lugar.
Sa pagsusi, kalit lang natumba an maong opisyal ug gidaya dajun sa Claver Rural Health Unit pinaagi sa mga personahe sa 2nd SDN PMFC alang sa dinaliang medikal nga pagtagad. Gisulayan sa attending physician nga buhion ang biktima tungod kay nawad-an na kini sa panimuot.
Apan waya na makatubag an biktima ug gideklarar sa attending physician nga Dead on Arrival alas 5:28 sa hapon. (Mark James Lisondra, Ronda 21)