Gisugdan kagahapong adlawa ang pagpang lista sa mga naapiktuhan sa sunog didto sa Sitio Orel, Barangay Banilad, Siyudad sa Mandaue, niadtong Easter Sunday, Abril 9, 2023.
Diin adunay 50 ka mga balay ang naugdaw ug 349 ka mga individuals ang na apiktuhan sa maong sunog.
Si Mandaue City Mayor Jonas Cortes nimando sa City Social Welfare Services (CSWS) sa pag atiman sa mga biktima sa sunog labi na sa ilang mga basic needs.
Matag pamilya adunay kits nga kompleto sa gamit sama sa kaldero, balde ug uban pa.
Aduna puy mga sakop sa medical team nga nagmonitor sa kahimtang sa panglawas sa mga apiktadong individuals.
Giseguro usab sa kapulisan ang seguridad sa mga biktima didto sa evacuation center sa ilang gym.
Gilauman usab nga ihatag ang financial assistance pipila ka adlaw gikan karon. (Renante Lada, photo courtesy of Mandaue City PIO)
