Sa tinguha nga mapalig-on pa ang kapabilidad sa pagpatuman sa balaod suyod sa Dakbayan, ang Surigao City Police nakadawat og patrol unit gikan sa Director for Logistics sa PNP Camp Crame PMGen Mario A. Reyes, iban sa tabang sa Regional Director sa PRO13 PBGen Kirby John B. Kraft atol sa isa ka turn over nga gipahigayon sa Regional Philippine National Police (PNP) Headquarters sa Libertad, Butuan City.
Ang turnover gitambongan ni Surigao City PNP Chief PLtCol Diomedes B. Cuadra Jr. Iban ni City Budget Officer Atty. Jeffrey Galido.
Kining mahinungdanon nga panghitabo nagpasiugda sa pasalig sa Nasyonal ug Rehiyonal nga lebel sa PNP, ingon man sa bililhong suporta gikan ni CONG. ACE Barbers, aron masiguro ang kaluwasan ug seguridad sa Surigao City ug sa mga residente niini.
Ang pagdugang niini nga patrol unit makapauswag sa mga paningkamot sa pagpatuman sa balaod sa siyudad, nga makapahimo sa isa ka mas epektibo nga tubag sa mga kabalaka sa kaluwasan sa publiko ug mga emerhensya.
Ang Surigao City PNP ug ang City Government of Surigao nagpasalamat sa padajon nga suporta gikan sa PNP aron mapatunhay ang kalinaw ug kahusay sa komunidad. (Mark James Lisondra)
(Source: Surigao City PIO FB Page)
