May idja isab reaction sa pamahayag bahin sa nalagpasan sa performance nan isa ka termino kuman an tuyo ka termino sa kanhi administrasyon.
An Surigao City Council sa mayoriyang boto na 8 an uyon, 2 an supak mihatag pagtugot kan Mayor Ernesto U. Matugas Jr. na makahulam nan 500 milyones ka pesos sa DBP na may ubos na interest rate 3.5% per annum sa pagsulod sa ikaduha nga tuig. An pagabuslan na kantidad gamiton ini para sa:
1. developmental projects sa 54 ka mga barangays,
2. construction sa Surigao Public Cemetery,
3. construction sa Surigao Boulevard Extension Road,
4. construction of Surigao Boulevard Pantalan 2nd Level Docking Area,
5. acquisition of Service Boat, and
6. acquisition of City Digital Traffic Light Equipment.
Mibabag si Kagawad Catre sanan Leonilo Aldonza sa katarungan nga istudyohan anay pagdajaw an amo na lakang adisir kini aprobahan. Apan sa mayoriyang boto napildi ang objection sa duha ka konsehal dihang kini gipresentar sa Committee Report samtang suspended ang internal rules of procedure sa ilang session hangtud nga nakalusot ang resolusyon na gi-file ni Kagawad Jose Expiditus Bayana niadtong adlawa lamang sa Oktubre 5, 2021.Â