Lakewood, Zamboanga del Sur – Maagian na sapagkakaron ang dalan sa Barangay Gatub paingon sa Lungsod sa Kumalarang nga naapektuhan tungod sa nahitabong landslide kagahapong adlawa. Matud sa MDRRMO Lakewood nga alas 12 kapin kon kulang kagabie natapos nila pagtangtang ang mga lapok nga anaa tunga sa dalan sa usa palang ka lane niini, og sa kasamtangan maagian na ang one lane sa maong dalan.
Dugang pa nga nagrequest na og Firetruck ang MDRRMO Lakewood aron mabanwasan og dali ang nangahabilin nga lapok. Gibutyag ni Angelo A. Manon-og ang Operation Head sa MDRRMO Lakewood nga adunay 4 ka High Ace Van, usa ka Tricycle, duha ka single motor og usa ka private vehicle.
Giklaro sa Operation Head nga walay natala nga nakabsan sa kinabuhi o namatay sa maong panghitabong landslide kagahapon sa may Lakewood, gitino usab niini nga adunay ray usa ka indibidwal nga mao ang driver sa sidecar ang gidala sa RHU Tigbao aron matambalan tungod sa adunay gipamati sa kalawasan niini.
Gibutyag usab sa Operation Head nga dili pa madali-dali og limpyo o matangtang ang mga yuta sa pikas lane sa nahisgutan nga dalan. Samtang anaay gipang butang nga mga watcher sa isig pikas nga dalan aron maoy mu mando sa dagan sa trapiko aron dili mag abot sa tunga nga bahin ang mga nagkandaiyang sakyanan.
(News & photos courtesy of Wendel Cabrera)