32.6 C
Manila
Friday, April 19, 2024

Surigao: CBMS na-turnover na city government

- Advertisement -

Nakab-ot sa Surigao City ang isa ka malampusong turnover sa 2024 Community-Based Monitoring System (CBMS) data sa isa ka seremonyas nga gipahigayon sa Session Hall, Sangguniang Panlungsod.

Si City Mayor Pablo Yves L. Dumlao II, uban ni Bise Mayor Alfonso Casurra, Regional Director sa Philippine Statistics Authority Caraga Region Dir. Rosalinda C. Apura, Chief Statistical Specialist Guillermo M. Lipio Jr. sa PSA Surigao City, IT Officer Mark Novem Grisola, ug CPDO-OIC Halan Besario, miapil sa handover ceremony sa CBMS data, nga nagsimbolo sa hiniusang pasalig sa paggamit sa datos alang sa positibong kausaban sa Surigao City.

Ang kalihokan nagpasiugda sa dedikasyon sa siyudad sa paggamit sa data-driven approaches sa pag-ila sa mga priority areas, episyenteng pag-alokar sa mga kahinguhaan, pag-umol sa mga target nga polisiya, ug pagmonitor sa pag-uswag.

Ang komprehensibo nga dataset nga nakuha pinaagi sa CBMS naghatag gahum sa Surigao City sa pagtubag sa mga panginahanglan sa komunidad sa epektibong paagi, pagpalambo sa patas nga kalamboan ug kalig-on, paghimo sa CBMS data nga mahinungdanon sa pagserbisyo sa komunidad.

Si City Administrator Atty. Cristina Pariñas, City Legal Officer Atty. Lex Joshua Andrew Silvosa, City Budget Officer Atty. Jeffrey Galido, ug lain-laing mga department head mitambong isab sa seremonyas, nga naghatag ug gibug-aton sa hiniusang paningkamot sa paggamit sa datos alang sa pag-uswag sa siyudad.

Ang inisyatiba sa CBMS, nga gilusad sa pakigtambayayong sa Philippine Statistics Authority, naglambigit sa pagdeploy ug mga enumerator nga gibansay sa CBMS nga mga konsepto ug mga pamaagi sa pagkolekta sa datos, nga naglangkob sa 54 ka mainland ug island barangays sa Surigao City.

Ang mga nakolekta nga datos nagsilbi nga basehan sa paggama sa polisiya nga nakabase sa ebidensya ug pagpauswag sa programa nga gitumong sa paghupay sa kakabus ug pag-uswag sa ekonomiya.

Ang malampusong turnover sa 2023 CBMS data nagpasiugda sa pasalig sa Surigao City sa pagpauswag sa inklusibo nga pagtubo ug pagtukod og mas marajaw na kaugmaon alang sa tanang lumulupyo niini. (Mark James Lisondra)

(Source: Surigao City PIO Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -