Thursday, May 30, 2024

Surigao: BBM – Sara Uniteam headquarters sa Surigao del Norte pormal na tag-ablihan

- Advertisement -

Opisyal na nga giablihan kahapon sanan taghimo na nga provincial headquarters sa BBM SARA UNITEAM an Relief Operations Center sa Abante Surigao nga nahimutang sa 4 Aces, Brgy. Rizal, Surigao City.

Visit RPN DXKS Surigao

Mismo si Vice Presidential Candidate Sara Duterte an migunting sa ribbon sa opisyal niini nga pag-abli sa dihang siya mihapit sa Surigao City adisir mibiyahe paingon sa Liloan, Southern Leyte isip kabahin sa “Mahalin Natin ang Pilipinas Road Trip” nga nanukad sa Davao City niadtong Pebrero 1, 2022.

Gikan sa alas 11 sa buntag nga schedule sa pag-abot, tungod sa kadaghan nga gihunongan sa iyang rota, alas 6 na sa gabii nakaabot sa 4 Aces si Mayor Inday Sara.

Tagpasalamatan isab ni kanhi Governor Robert Lyndon Barbers an mga Surigaonon sa ilang mainitong suporta ug pagsugat kan Sara Duterte. Kaiban ni Barbers an mga kaalyadong kandidato sa probinsiya. An mga kandidato sama kang Engr. Paul Dumlao sa pagka Mayor sa Surigao City iban an idja line up sanan mga mayores sa kalungsuran sa mainland sa Surigao del Norte an nakagroup picture kan Sara. Sa Siargao island sila si kanhi Dapa Mayor Peter Boy Ruaya ug kapikas Yullie an nakahigayon sa pagtambong.

Opisyal isab na tagtunol ni Sara Duterte an flag sa Pilipinas kan kanhi Governor Barbers uban ang mensahe na payanggaon ug higugmaon an ato nasud.

Halos mag-isa ka oras an kadugayon sa pagbarog ni Sara sa gawas sa headquarters tungod kay iyang gihatagan ug kahigayonan an mga Surigaonon nga makaselfie kaniya.

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -