Taghangyo kuman sa Philippine Statistics Authority sanan sa City Planning and Development Office an kooperasyon sa matag bayay na mogahin nan oras maistorya sa mga enumerators na moduyod sa ila tagsa-tagsa ka bayay alang sa case to case interview para makuha ang data kada bayay apil na an geotagging, lista sa kada building ug tubagon an mga pangutana.
An kada bayay gibana banang mogahin nan tag duha ka oras alang sa pagkolekta nan impormasyon na amo an basihan sa paghan-ay nan polisiya sanan programa unhon pagtubag an kalisod ug pagpalambo sa ekonomiya sa isa ka lugar.
Sa CBMS kon Community-Based Management System, dinhi mahibay-an an an lain-laing aspeto sa kalidad sa paghuyâ sa natad sa panlawas, nutrisyon, housing, tubig sanan kalimpyo, basic education, kita sa pamilya, panarbaho, peace and order sanan disaster preparedness.
An mga barangays na unang batch sa CBMS amo an Washington, Taft, Sukailang, Sidlakan, Serna, San Pedro, San Juan, Rizal, Poctoy, Orok, Nabago, Mat-i, Mapawa, Manjagao, Mabua, Luna, Lisondra, Lipata, Ipil, Catadman, Capalayan, Canlanipa, Cagniog, Cabongbongan, Bonifacio, Bilabid, Balibayon, Aurora sanan Alang-alang. (RPN DXKS Surigao)
