Patay an isa ka 72 anyos na negosyante o realtor human kini gipusil kagabii alas 7:30 ang takna, Oktubre 11, 2021 sa may Purok 2, Barangay Bonifacio, Surigao City.
Naila an biktima na si Valentino Mainit Achas, balo sanan may live in partner, na residente sa nahisgutang lugar.
Sa imbestigasyon ni Police Senior Master Sergeant Cesar Johans Castillo, nagtindugay an biktima duol sa national highway samtang nagsultihanay sila sa iyang live in partner, kalit lang may duha ka layaki mikanaug sa black XRM motorcycle ug tagpusil kini naigo sa waya na dughan. Misibat dajon an mga suspects ug tagdaya an biktima sa Caraga Regional Hospital apan gideklarar ini na dead on arrival. Padajon pa an imbestigasyon kon unoy motibo sa krimen. (Mark James Lisondra, Ronda 21, RPN DXKS Surigao)
