Bisan pa man sa bayod nga nasinati kagahapong adlawa pasingod sa Brgy. Halian, personal nga miadto si Congressman Francisco “Bingo” Matugas kaiban an Team Bagtik aron makita an sitwasyon sa nahisgutang barangay maingon man an paghatag nan cash assistance.
Gisugat sa mga Brgy. Official sa pagpanguna ni Punong Brgy. Eliza Escobido an Team Bagtik nga diin dako an ilang kalipay sa paghidangat niini.
Mikabat sa 62 ka mga beneficiares an nagpa kadawat nan cash assistance sa Brgy. Halian, lungsod nan Del Carmen pinaagi sa Assistance to Individual in Crisis Situation kon AICS payout sa paningkamot ni Congressman Francisco Jose “Bingo” Matugas iban sa Department Social Welfare and Development Caraga Region 13.
Ini na programa gikan sa pundo ni House Speaker Martin Romualdez ug sa Tingog Partylist ni Congresswoman Yedda Romualdez nga diin tag P3, 000 pesos an madawat kada beneficiares.
Sa mensahe ni Congressman Bingo Matugas ngadto sa mga katawhan nga ija gipasalamatan an DSWD ug ija isab doblehon an mga beneficiares sa sunod na pay out para sa mga katawhan sa Brgy. Halian.
Nag hangyo si Punong Barangay Eliza Escobido nga matabangan sila sa ilang problema kabahin sa ilang Multipurpose Building para ma.atopan ug mahimuan sila ug Evacuation Center.
Gitagaan nan pag tagad ni Congressman Bingo Matugas an hangyo ni Punong Barangay Eliza Escobido nga ma.repair an ilang Multipurpose building.
Personal mitambong isab sila ni Board Member Constantino “Bully” Navarro, Board Member Julecs Sunico, SB Member Veronico “Vic-Vic” Solloso, SB Member Aiken Andanar, ug kanhi Board Member Sim Castrence. (Mark James Lisondra)
