Mokabat sa 5,500 ka lubi an tagkuha nan ato City Agriculture gikan sa Carmen, Cotabato kuman na semana para sa rehabilitasyon sa mga kalubihan na nadaot tungod sa Bagyong Odette adton December 16, 2021. Halos 70% sa ato mga kalubihan an nadaot sa bagyo sanan amoy hinungdan na nag lisod an ato mga igsoon labi na sa kaislahan.
Ini na tabang taghatag sa Philippines Coconut Authority (PCA) isip tubag sa panawagan ni Mayor Paul Dumlao sa ija una na mga adlaw na pag-ingkod sa pwesto, isip supporta sa mga mag-uuma nan lubi. 30,000 ka seedling an taggahin nan PCA para sa Surigao City. Ini an una na paghatag nan mga seedlings para didto sa 18 ka Barangay sa ka-islahan sanan jaon sa 183 ka mag-uuma sa lubi an makabenipisyo ani.
#SerbisyongBatangSurigaonon #BatangSurigaonon #PAULidoDekalidad #PAULidoDekalidadNaSerbisyo #SurigaoCity #DAR #AbanteSurigao
(Source: Surigao City PIO Facebook page)