Gigaquit, Surigao Del Norte – Ang Philippine Army Finance Center Producers Integrated Cooperative (PAFCPIC) nga nakabase sa Butuan City, Agusan del Norte gipangulohan ni Ms Mary Grace V Lancheta, ang Head sa PAFCPIC Satelite Office, Butuan City uban sa tropa sa 30th Infantry “Fight On” Battalion, 4ID, Philippine Army nagpahigayon ug Community Development Activity nung Enero 7, 2023.
Ang maong kooperatiba naghatag ug grocery packages sa 200 ka apektadong pamilya sa shearline sa lima (5) ka komunidad sa tribung mamanwa nga mao ang Sitio Puhagan-43 nga sakop sa Brgy. Camam-onan ug Sitio New Jerusalem-5, Sitio Egang-20, Sitio Palilihan-60 ug Sitio Songkoy-67 nga sakop sa Brgy Mahanub sa Munisipyo sa Gigaquit, Surigao del Norte.
Ang PAFCPIC usa ka multi-awarded nga kooperatiba nga nagtanyag ug pinansyal nga serbisyo pinaagi sa mga deposito ug pagpautang sa mga miyembro niini nga nagserbisyo sa Armed Forces of the Philippines.
Sa pahayag ni Janet Mary B Cierra, usa sa mga benepisyaryo nga nag ingon, “Mapasalaton ako sa PAFCPIC Butuan ug labi sa mga kasundaluhan sa 30IB nga maoy nagdala ug naghatag sa among karajawan ilabi na sa amo nga mga biktima sa niagi nga kalamidad. Daghang salamat ug Happy New Year sa ijo tanan”.
Samtang matud pa ni Ms Mary Grace V Lancheta nga miingon, “Ang PAFCPIC Butuan nagpaabot og pagpasalamat sa 30IB, ilabi na sa ilang Battalion Commander nga si Lt.Col Jerold H Jale nga nahimong posible ang aktibidad bisan pa sa among mubo nga pagpahibalo. Ang mga residente sa Sitio Puhagan, Sitio Egang, Sitio New Jerusalem, Sitio Palilihan, ug Sitio Songkoy nagrepresentar sa kalig-on sa mga Pilipino taliwala sa katalagman nga ilang giatubang sa panahon sa kapaskohan. Nanghinaut kami nga ang among gamay nga tabang makapakunhod sa epekto nga dala sa katalagman, ug nanghinaut nga sila hingpit nga maulian sa dili madugay, Daghang Salamat.”
(Source: 30th Infantry “Fight On” Battalion, Philippine Army Facebook page)
