Kapin sa 101 ka mga personahe gikan sa SDNPPO an gikatakdang masiguro an luwas nga palibot alang sa mga partisipante ug mga tumatan-aw sa 14th Siargao International Game Fishing Tournament sa Pilar, Siargao Island.
An torneyo, nga mahitabo gikan sa Abril 25–28, 2024, gilauman nga makadani ug hamok nga lokal ug internasyonal nga mga turista, bisita, ug mangingisda.
Matod sa Provincial Operations Management Unit, 101 ka unipormadong miyembro sa PNP an estratehikong magmonitor sa lugar ug matubag dajon an bisan unsang insidente hangtod nga mahuman an torneyo sa Domingo, Abril 28, 2024.
Si Police Colonel Laudemer M. Laude, nimando sa tanang mga hepe sa Siargao sa paghingusog sa seguridad sa tibuok kalihokan.
Dugang pa, an PNP personnel, iban sa koordinasyon sa Philippine Coast Guard, Bureau of Fire Protection, Philippine Army, local government units, ug uban pang law enforcement agencies, mohatag og traffic management, crowd control, ug essential logistical support aron magarantiya an kaluwasan ug seguridad sa tanang nanambong.
Sumaya pa nga ang kapolisan sa Surigao del Norte nagpabilin nga lig-on sa ilang pasalig sa pagsiguro sa kaluwasan ug seguridad sa tanan nga mga partisipante, mga tumatan-aw, ug mga residente atol sa 14th Siargao International Game Fishing Tournament. (Mark James Lisondra)
(Source: SDN PPO)