Cebu City – Patay ang mga ginikanan ug duha ka anak samtang usa ra ang naluwas sa sunog sa usa ka balay sa Brgy. Balabagon, Moalboal, Cebu alas 12 pasado gahapon sa kaadlawon.
Ang 16 anyos nga si Juvy Mansuela ang nasalbar sa trahedya dihang iyang gibuak ang bildo nga bentana sa iyang lawak aron makagawas.
Suma pa ni FO2 Gibson Hortelano, ang upat ka sakop sa pamilyang Mansuela nga didto sa pikas kuwarto ang naapil pagka ugdaw sa ilang balay.
Giila ni Hortelano ang mga nakalas nga mao ang magtiayong Jonathan, 38; iyang asawang si Rose, 38; ug mga anak nga sila si  Dyren, 14; ug Jethro, 12 anyos.
Nasuta nila ni Hortelano nga si Juvy rang usa sa iyang lawak kay ang iyang ginikanan ug mga igsoon nagluon man sa laing kuwarto.
Gawas kang Juvy nakalingkawas usab ang 9 anyos nga kamanghoran nga Jhelsie nga didto matug sa balay sa iyang apohan atol sa sunog.
Nakita sa pasiunang  imbestigasyon nga ang kayo nagsugod sa living room sa balay sa mga Mansuela.
Gikompirmar usab kini sa lolo ni Juvy nga amahan sa namatay niyang papa Jonathan.
(Jhon Tadlip / JTY)
(Source: Moalboal – Public Information Office)
